Humps sa SRP ipatangtang

CEBU, Philippines - Buot ipatangtang sa Cebu City Transportation Office (CCTO) ang mga humps sa South Road Properties (SRP).

Kini human giingong nakahasol sa mga motorista tungod sa kataas.

Matud ni CCTO executive director, Atty. Rey Gealon, nga nakadawat sila og reklamo sa mga netizens kalabot sa tag-as kaayo nga humps paingon sa dakbayan sa Talisay.

Dugang ni Gealon nga nipahigayun og tigum niadto’ng Lunes ang mga investors ug general manager sa SRP, Roberto “Bo” Varquez.

Gipasalig sa Department of Public Works and Highways nga ila’ng pahinunduman ang Pilipinas Water kalabot sa pagbutang og tubo tunga sa dalan.

Gipahibawo ni Gealon nga wala pa’y natala nga insidente gumikan sa dagku’ng humps. (BANAT NEWS)