Nagprotesta pabuhian ang magtiayong Tiamzon
CEBU, Philippines – Dili momenos 30 ka mga tawo ang nagpahigayon og lihok protesta atubangan sa Palace of Justice sa dakbayan sa Toledo atol sa pagdungog sa kaso sa magtiayong gipasanginlang opisyal sa National Democratic Front-Communist Party of the Philippines-New Peoples Army nga sila si Benito ug Wilma Tiamzon niadtong nakalabay’ng adlaw.
Atol sa demonstrasyon, adunay tulo ka mga lalaking nagsul-ob lamang og boxer shorts ug adunay piring nga itom sa mata nga nagdala’g placards nga nanawagan nga buhian na ang managtiayong Tiamzon. Ang tulo gikuyogan og kapin sa 20 ka mga raliyista kauban mga bata ang nagdala usab og susamang placards.
Wala hinuon mohimo og kagubot ug kasamok sulod sa Palace of Justice ang mga raliyista. Ang kaso nga gihusay mao ang illegal possession of firearms and ammunitions and explosives human sa ilang pagkasikop didto sa Brgy. Zaragosa sa lungsod sa Aloguinsan niadtong Marso 2014.
Ang magtiayon gidakop tungod sa warrant of arrest sa kasong murder, multiple murder ug frustrated murder nga kaso sa Northern Samar nga gibansagan kaniadtong Inopacan Massacre niadtong 1985. – /EIM) (BANAT NEWS)
- Latest
