Taga CIT-U top sa MELE
CEBU, Philippines – Napamatud-an sa Cebu Institute of Technology University (CIT-U) ang ila’ng slogan nga “CIT Tops Again!” human ang mga tinun-an ni-top sa labi’ng ulahi’ng Mining Engineering Licensure Examination.
Si Reginald Ratilla, scholar sa tunghaan ang nag-una sa grado nga 89.60.
Gibutyag ni Ratilla nga iya’ng pangandoy nga malakip lang sa top 6.
Matud ni Ratilla nga aron dili siya ma-ugtas sa pag-review, usa sa iya’ng pamaagi mao ang pagduwa og mga online games. Si Ratilla niasoy nga iya’ng gihalad ang kalampusan nga nakab-ot sa iya’ng inahan nga usa ka single mother.
Gawas kang Ratilla, laing tinun-an sa CIT-U nga si Khent Chito Marte ang nasulod sa top 10 diin nakuha niya ang ika-napulo nga dapit sa grado nga 86.70.
Gibutyag sa dean sa College of Engineering sa CIT-U, Dr. Evangeline Evangelista, nga consistent honor student si Ratilla ug deserving ang kalampusan nga nakuha.
Si Ratilla scholar sa usa ka mining company ug plano sa tunghaan nga hatagan og reward nga kwarta si Ratilla. Sa 37 ka nigradwar sa CIT-U, 30 niini ang first time takers kinsa 29 ang nakapasar.
Sa kinatibuk-an aduna'y 173 ka tinun-an ang nakapasar sa eksaminasyon sa tibuok nasud gikan sa 214 nga nikuha niini. – /GMR) (BANAT NEWS)
- Latest
