P800M annual budget sa Toledo giduso
CEBU, Philippines – Giduso ni Toledo City Mayor John Henry Osmeña sa konseho sa dakbayan ang dili momenos P800 milyones nga annual budget sa siyudad kagahapon sa buntag sa gipahigayong regular session sa konseho.
Kini base usab sa nasabotan sa City Development Council No. CDC 16-1 series of 2015 nga gikinahanglan ang P871, 824, 500 nga budget aron maserbisyohan ang mga taga Toledo. Kini alang na sa mga plano, programa ug proyekto sa pagpalambo sa dakbayan.
Gilauman nga maduso na kini sa committee on finance and appropriations sa konseho alang sa dugang pagtuon sa maong gitaganang pundo.
Malaumon usab ang mayor nga maaprubahan sa konseho ang maong annual budget.
Nasayran nga adunay pagsaka nga kapin sa P200 milyones ang maong annual budget itandi sa nakalabay nga tuig nga anaa lamang sa kapin P619 milyones nga pundo. – /EIM) (BANAT NEWS)
- Latest
