Rama mangonsulta sa 2016 budget
CEBU, Philippines - Konsultahon ni Mayor Michael Rama ang konseho sa dakbayan sa Sugbo labot sa pag-andam sa 2016 annual budget diin malakip ang paggasto sa P6.75 bilyones nga halin sa luna sa South Road Properties (SRP).
Malaumon si Rama nga mahinayun na ang mga plano sa iya’ng administrasyon sanglit may igo’ng pundo na nga magamit.
Kauban sa pakigtagboan ni Rama ang mga department heads nga moandam sa budget.
Samtang si City Treasurer Diwa Cuevas nagkanayun nga nadeposito na sa bangko ang P6.75 bilyones kagahapon.
Matud ni Cuevas nga ang P5.7 bilyones ibutang sa time deposit sulod sa 31 ka adlaw nga motubo og P9 milyones nga interes sa usa ka buwan.
Ang una’ng P1.8 bilyones isip bid security bond sa mga investors ang nakakuha na og P1.4 milyones nga tubo sa time deposit
Sa kinatibuk-an, ang kagamhanan sa dakbayan aduna na’y P8.35 bilyones nga pundo gikan sa mga investors ug dugang P9 milyones nga interes. (Sheriza Mae R. Uy/GMR)(BANAT NEWS)
- Latest
