Siyudad bilyonaryo na

CEBU, Philippines - Nadawat na sa kagamhanan sa dakbayan sa Sugbo ang P6.75 bilyones isip katunga sa bayad sa luna sa South Road Properties.

Kini gibayad sa Ayala-SM Prime Holdings, Inc. sa 26-ektarya’ng luna ug 19-ektarya sa Filinvest Land, Inc.

Malipayon si Mayor Michael Rama  aron mapadayun na ang mga plano nga proyekto sa siyudad.

Sayo niini gipangita na sa mga konsehal ang mao’ng kwarta.

"We work hard because they are asking where is the money," matud ni Rama.

Mapasalamaton usab si Rama sa mga investors tungod sa pagsalig sa siyudad bisan pa man sa suway nga pagbabag sa pipila ka konsehal.

Masaligon usab si Rama nga legal ang transaksiyon sa pagbaligya sa luna sa SRP.  (BANAT NEWS)