Hotel rate di isyu sa APEC
CEBU, Philippines - Dili isyu ang taas nga room rates sa mga hotels atol sa Asia-Pacific Economic Cooperation (APEC) Meeting nga ipahigayun sa Sugbo.
Kini ang gipadayag ni Ambassador Marciano Paynor, ang APEC Director-General sa National Organizing Committee, kinsa nakigtagbo sa Hotel, Resort and Restaurant Association of Cebu kagahapon. Wala hisguti sa tigum ang mao’ng isyu apan gipasabot ni Paynor nga makiangayun lang ang pagsaka sa rate sa hotel.
Gipasabot ni Paynor nga sa iya’ng kasinatian kung motambong siya og mga conferences, nabantayan niya nga ang “Friday rate” sa hotel lahi sa “Saturday and Sunday rates.”
Ang Department of Tourism ang nihatag og standard rate sa mga hotels nga accredited sa APEC diin moistar ang mga delegado nga komportable.
“For me, the price of the hotels should not be an issue because they have their choice,” matud ni Paynor.
Nagtuo si Paynor nga ang mga nireklamo mao ang lokal nga delegado tungod kay gamay lang ang allowance matag adlaw sa kantidad nga P800.
Samtang buot segurohon sa tigpasiugda nga mahatagan og maayong serbisyo ug pagtagad sa mga hotels ang mga delegado.
Ang Sugbo ang host sa Senior Officials Meeting (SOM3) sa APEC karong Agosto 22 hangtud sa Oktubre. (BANAT NEWS)
- Latest
