Daghang minor sa Toledo mag-motor

CEBU, Philippines - Naproblema ang traffic section sa dakbayan sa Toledo sa pagsaka sa ihap sa mga menor de edad nga nagmaneho og motorsiklo.

Kini human nasayran nga sagad sa mga biktima sa aksidente sa kadalanan nalambigit ang mga menor de edad.

Base sa report dili momenos sa lima ka aksidente matag buwan nga naglambigit sa mga menor de edad.

Matud ni SPO3 Lorenzo Mahilum nga ila na’ng gihingusgan ang kampanya sa pagdili sa mga menor de edad nga makamaneho og motorsiklo kinsa sagad kanila wala’y lisensiya.

Giingong ang checkpoint lang sa kapolisan ang bantayan sa mga menor de edad mao’ng dili madakpan.

Giawhag usab sa mga awtoridad ang mga ginikanan sa pagdili sa ila’ng mga anak nga menor de edad sa pagmaneho og motorsiklo. (BANAT NEWS)