Sunog tungod sa butane sulod LPG
CEBU, Philippines – Naugdaw ang lima ka balay samtang usa ang naapil sa sunog alas 10 kagahapon sa buntag sa sitio Kabatuan-Datag, Maribago, dakbayan sa Lapu-Lapu.
Matud ni SFO4 Diomed Alburo, chief investigator sa Lapu-Lapu City Fire Department, nga nadawat nila ang alarma alas 10:33 sa buntag.
Si Myrna Torregosa kinsa saksi sa panghitabo nitug-an nga nagsugod ang kayo sa panimalay ni Leonora Relos.
Baho sa liquefied petroleum gas (LPG) ang namatikdan nga baho dayun ulbo sa sunog.
Nasayran sa grupo ni Diomed nga ang kayo gikan sa usa ka hungaw nga butane canister nga may sulod nga LPG.
Nikatag ang sunog sa mga sikbit nga panimalay ni Aileen Cabal, Boloy Alfeche, magtiayung Consorica ug Allan Oliveros, Edgar Torregosa, Miraluna Nawanao ug Dave Castillo nga mga hinimo sa light materials, matud ni Diomed.
Nakontrolar ang sunog alas 10:39 sa buntag.
Gibana-bana nga moabot sa P100,000 ang danyos human sa sunog. – /GMR) (BANAT NEWS)
- Latest
