Gwen: Magpale, PB apil sa Balili

CEBU, Philippines – Kini human nanghunaw sila si Bise-Gobernador Agnes Magpale ug Bokal Peter John Calderon sa responsibilidad sa ila’ng kalambigitan sa kontrobersiya.

Matud ni Magpale nga igo lang sila nihatag og gahum sa gobernador ug si Garcia niadto’ng higayuna ang may “due diligence” sa pagbuhat.

Gani si Calderon nagkanayun nga wala sila’y kalibutan nga ang parti diay sa Balili property ilawom sa dagat hinungdan nga niaprobar sila sa pagpalit niini.

Si Calderon ang chairman sa committee on budget and appropriations sa hunta probinsiyal niadto’ng higayuna.

Apan si Garcia niingon nga dili lang sa gobernador ang responsibilidad kun dili apil sila’ng tanan nga naa sa katungdanan ug angayang masayud niini si Magpale sanglit dugay na kini sa pangatungdanan.

“Besides, she’s so much older than me,” matud ni Garcia.

Sayo niini si Gobernador Hilario Davide III niutingkay sa isyu sa Balili ug Cebu International Convention Center nunot sa kampanya sa One Cebu Party nga gipangulohan sa mga Garcia nga ibalik ang pagka-numero uno sa Sugbo. Matud ni Garcia nga sama ra nga niawhag si Davide sa dili usab pagpabotar nila’ng Magpale ug Calderon kinsa apil sa pag-aprobar sa proyekto. (BANAT NEWS)