Brgy hall sa San Nicolas may tiggamitan og drugas

CEBU, Philippines – Niangkon ang usa ka kawani sa barangay San Nicolas Proper sa dakbayan sa Sugbo nga tiggamitan siya og ginadili’ng drugas.

Nunot niini dili pa matawag nga drug-free ang barangay sumala pa sa Cebu City Office on Substance Abuse Prevention (COSAP).

Kini bisan og nagnegatibo ang 54 ka opisyal ug trabahante sa gihimo’ng drug test niadto’ng Sabado sa hapon.

Matud sa pangulo sa COSAP, Dr. Alice Utlang, nga naa na ni Kapitan Abraham Desamparado kung unsa’y iya’ng buhaton sa usa nga niangkon nga tiggamitan og drugas.

Ang San Nicolas Proper ang ika-12 nga barangay nga napaubos sa drug test ug bugtong ang barangay Pamutan pa ang nagpabiling drug free work place. – /GMR) (BANAT NEWS)