Natulog tupad sa ina-ina gidunggab patay

CEBU, Philippines – Patay ang drayber sa motorsiklo nga nalatayan sa Mitsubishi Fuso truck sa National Highway, Tuyan, dakbayan sa Naga pasado ala una niadto’ng nakalabay nga hapon.

Ang biktima giila nga si Allaño Panilag, 55, nagmaneho sa Honda TMX 155, minyo nga taga barangay Cuanos, lungsod sa Minglanila, samtang ang drayber sa truck mao si Oliver Fuentes, 41, minyo nga taga barangay Sab-a, lungsod sa San Remigio.

Matud ni Police Officer 3 Ken Cabrera, desk officer sa Naga City Police Station, nga pareho’ng padulong sa dakbayan sa Sugbo ang duha.

Pag-abot sa mao’ng dapit laing sakyanan ang nisaghid sa motorsiklo hinungdan nga nahulog ang drayber ug naligid sa karsada. Si Fuentes nga nakalitan sa hitabo ang ulahi na nga naka-brake sa iya’ng sakyanan hinungdan nga nalatayan ang biktima.

Suway pa unta nga gidala sa Minglanilla District Hospital ang biktima apan nakabsan gyud sa iya’ng kinabuhi.  Usa sa gisubay sa kapolisan kung kinsa ang nagmaneho sa nakasaghid sa motorsiklo.

Sigun pa ni Cabrera nga adunay plano’ng panagsabot-sabot tali sa pamilya sa namatay ug sa tag-iya sa truck ug hayan buhian ra sa kapolisan si Fuentes nga kasamtangan karong gitanggong sa selda sa Naga City Police Station. – /GMR) (BANAT NEWS)