SONA ni PNoy gisugat og protesta
CEBU, Philippines – Wala’g tuo nga lihok protesta dinhi sa Sugbo ang nisugat sa kataposang State of the Nation Address ni Pres. Benigno Aquino III kagahapon.
Ang SONA ni Aquino gisugdan og alas-4 sa hapon ug milanat og duha ka oras ug 30 minutos.
Nag-abot sa dalan Colon ang gatusan ka mga militanteng pundok sa Central Visayas, sama sa PISTON, ALU-TUCP, Bayan Muna, Kilusan Mayo Uno ug uban pa alang sa ilang hiniusang pagprotesta batok sa pamunuan ni Aquino.
Bisan alas -4 pa sa hapon ang SONA, apan buntag pa lang nagmartsa na ang mga militanteng grupo gikan sa Fuente Osmeña Rotunda ug ang uban gikan sa Plaza Independencia ug nag-abot sa dalan Colon. Gisaway nila ang maayong relasyon karon sa Amerika ug Pilipinas lakip na ang K to 12 program sa DepEd, ang Oil Deregulation Law, ang pork barrel ug uban pa.
Lakip usab sa ilang panawagan mao ang problema sa West Philippine Sea, pagkamatay sa 44 ka mga PNP SAF sa Mamasapano ug uban pa.
Ang mga militante nihatag og grado nga ‘hagbong’ kang Aquino sud sa lima ka tuig niining pamunoan. – /EIM) (BANAT NEWS)
- Latest
