Armas, shabu nasakmit
CEBU, Philippines - Nasakmit sa kapolisan ang shabu ug armas gikan sa pusher nga nadakpan sa buy-bust operation sa Lamintak Norte, Medellin alas 6 pasado sa niagi’ng Huwebes sa gabii.
Si Police Officer 1 Rosano Queding sa Medellin Police Station niila sa nadakpan nga si Kim Flores Imbento, 31-anyos, taga sitio Lacdonon, Dayhagon sa maong lungsod. Ang poseur buyer maoy nipalit og shabu sa kantidad nga P200,
Diha’ng nasikop ug girekisa, dugang tulo ka gagmay nga pakete ang nakuha sa kapolisan ug mga drug paraphernalia, cellphone ug Suzuki nga motorsiklo. Sa laing bahin, nadakpan usab si Rex Sharona Intelegado, 29, taga Tugbongan, Consolacion nga nagdala og drug paraphernalia diha’ng girekisa sa usa ka checkpoint. (Romeo T. Limpangog/GMR)(BANAT NEWS)
- Latest
