WB motabang pagsulbad sa trapik
CEBU, Philippines - Andam motabang ang World Bank pagsulbad sa problema sa trapiko sa dakbayan sa Sugbo.
Kini human nakigtagbo ang World Bank sa Grab a Taxi isip bag-ong partner sa usa ka proyekto.
Matud ni Senior Transport Specialist sa WB, Holly Kramback, nga sila ang mogasto sa pagpamutang og traffic signals sa dakbayan.
Gibanabana nga mogasto og $65 milyones ang WB laing $400,000 gikan sa kagamhanan sa nasud sa Korea ug wala’y gasto ang dakbayan sa Sugbo.
Motabang usab ang kagamhanan sa nasud sa Australia.
Matud sa officer-in-charge sa control section sa Cebu City Traffic Operations Management (CITOM), Ruverne Jojo Sevillino, nga dunay software nga gimugna aron ang publiko maka-report kung may kakulian sa kadalanan ug aron paglikay sa trapiko.
Kini pagpangandam usab sa Bus Rapid Transit (BRT) sa dakbayan sa Sugbo. (Sheriza Mae R. Uy/GMR)(BANAT NEWS)
- Latest
