Wage increase hearing karong Agosto 13
CEBU, Philippines – Gikatakdang ipahigayon sa Regional Tripartite Wages and Productivity Board karong Agosto 13 ning tuiga ang public hearing alang sa gipangayo nga umento sa suhulan sa mga mamumuo dinhi sa Central Visayas. Niadtong adlaw’ng Martes niduso ang ALU-TUCP og petition paper aron mangayo sila og P92 nga umento sa suholan.
Matud ni DOLE-7 Regional Director Exequiel Sarcauga, kinsa mao usab ang pangulo sa RTWPB-7 kinahanglang adunay himuong public hearing aron mapaminaw ang baruganan sa ubang mga sektor.
Ang maong public hearing gikatakdang tambongan sa mga nagkalain-laing sektor sama sa mga labor groups, employers, government agencies ug ubang sektor nga may labot niini.
Katapusang nipatuman og usbaw sa suholan mao ang P13 gikan sa coast of living allowance nga gihimo nang wage increase niadtong buwan sa Marso sa miaging tuig. Sigon ni Sarcauga, base sa Republic Act 6727 dunay napulo ka criteria nga angay ikonsiderar alang sa umento sa suhulan. Karong adlawa o sa Biyernes mahibaw-an kun asa ipahigayon ang umaabot nga public hearing. – /EIM) (BANAT NEWS)
- Latest
