Babaye samdan, gidunggab sa silingan
CEBU, Philippines – Naangol ang usa ka babaye nga nadunggaban sa iya’ng silingan sa sitio Liang, barangay Bingay, lungsod sa Borbon alas 8 pasado sa niagi’ng Lunes sa gabii.
Si Senior Police Officer 2 Ritcheleu Artista sa Borbon Police Station niila sa biktima nga si Alma Basan, 45, ug ang suspek mao si Juliano Molina, 43-anyos.
Matud ni Artista nga ang biktima diha sa sulod sa ilang panimalay diha’ng kalit lang gisaka sa suspek ug gidunggab sa makadaghang higayun.
Human sa pagdunggab, dali nga nisibat pahilayo sa maong dapit ang suspek samtang ang biktima dali nga gihatud sa tambalanan gumikan sa mga samad sa lawas nga natapsingan sa kutsilyo nga iya’ng natapi. Ang biktima nagdumili pagtug-an ngano’ng gidunggab siya sa suspek. – /GMR) (BANAT NEWS)
- Latest
