South bus terminal nangandam na

CEBU, Philippines – Andam na ang Cebu South Bus Terminal sa kahapsay ug seguridad sa pagdagsa sa daghang pasahero atol sa Semana Santa.

Matud pa sa operations manager sa CSBT, Ramon Dumayac, nga nangayo sila sa kooperasyon sa publiko aron magpabiling hapsay ug limpyo ang pasilidad. Usa sa problema panahon sa susamang okasyon ang pagkuwang sa mga bus nga mohakot sa mga pasahero. Hinuon kompiyansa si Dumayac nga masulbad ra ang problema pinaagi sa pagluwat sa Land Transportation Franchising Regulatory Board og special permit alang sa dugang mga bus nga mobiyahe sa laing rota. Gihangyo na usab sa CSBT ang Kapitolyo nga makahuwam sa mga Suroy-Suroy Sugbo buses.

Mohangyo usab si Dumayac kang Cebu City Mayor Michael Rama alang sa posible’ng pagpagamit sa mga Kaoshiung buses.

Sa Lunes sunod semana gipaabot nga magsugod na’g daghan ang mga pasahero sa CSBT apan gipanglantawan nga mas modaghan unya sa Miyerkules Santo. – /GMR) (BANAT NEWS)