Honor scholars hataga’g kwarta
CEBU, Philippines – Hatagan og incentives sa kagamhanan sa dakbayan sa Sugbo ang tanang scholars nga mo-graduate nga adunay medalya.
Kini ang tumong sa giduso nga ordinansahon sa konseho sa dakbayan sa Sugbo nga maghatag og incentives sa honor graduates nga mga city scholars. Ang Summa Cum Laude makadawat og P20, 000, ang Magna Cum Laude adunay P15,000 ug P10,000 alang sa Cum Laude.
Sila’ng Konsehal Lea Japson ug Alvin Dizon ang nangamahan sa maong ordinansahon.
Matud sa duha ka konsehal nga angay hatagan og reward ang mga scholars sa siyudad nga magtinarung og eskuwela kay maka-inspire sab kini sa uban nga magtinarung sab.
Sa niaging tuig diin nigraduwar ang first batch sa mga scholars, adunay 2,665 ka city scholars ang nigraduwar ug lima niini ang Magna Cum Laude ug 105 ang Cum Laude.
Hinuon ang maong ordinansa kinahanglan pa nga ipasar sa konseho ug aprobahan ni Mayor Michael Rama. – /GMR) (BANAT NEWS)
- Latest
