Mga karatola sa DPWH gipangawat

CEBU, Philippines - Nangawagtang ang mga karatola sa Department of Public Works and Highways sa mga gipatuman nga proyekto sa dakbayan sa Mandaue.

Matud ni Engr. Reynult Ricardo sa 6th Engineering District Office sa DPWH-7, nga ang maong signages nga ilang gipahimutang sa kadalanan kabahin kini sa mga rekisito nga gikinahanglan sa Commission on Audit (COA) isip paghatag og kasayuran sa katawhan.

Ang maong mga karatola maoy makita nga nagmantala sa matang sa proyekto nga ilang gipatuman, mabasa usab ang kantidad, ang petsa ug buwan sa pagsugod ug ang buwan ug petsa sa paghuman ug lakip na ang pangan sa contractor nga nagtrabaho niini.

Gipaneguro ni Ricardo nga ang tanan nilang mga proyekto sa DPWH-7 gibutangan gyud og mga karatola sa matag kontraktor nga nagtrabaho sa dili pa sugdan ang kaugmaran tungod kay kabahin man kini sa mga rekisito nga gikinahanglan.

Ang nahitabo karon mao nga adunay mga proyekto nga nagpadayun ang pagtrabaho apan dili na makita ang mga karatola tungod   sundon man sa pagkawat.  (BANAT NEWS)