Jaguar mobiya na sa drug business?
CEBU, Philippines - Gihangop sa director sa Philippine Drug Enforcement Agency (PDEA) 7 ang balita nga usa ka “well known” nga drug personality dinhi sa Sugbo nga si “Jaguar” nakadesider nga mohunong na sa pagpamaligya og ilegal nga drugas.
Sumala pa ni PDEA-7 Director Jeffery Bangsa nga nahinabi sa Banat News nakurat siya sa maong balita apan maayo kini kun tinuod man tungod kay mamenusan ang bantayanan sa mga awtoridad.
“It’s a common knowledge to everybody about Jaguar, di ba? Kung totoo man, eh maganda yan,” matud pa ni Bangsa. Apan si Bangsa wala mohimakak ug wala usab mokompirmar kung anaa ba sa ilang listahan si Jaguar.
“But that is subject for validation pa, whether that is true or not kung talagang nagbago na siya, that would be a first step kung sakaling nasa listahan,” dugang pa ni Bangsa nga nagpasabot sa drug watchlist.
Ang maong balita nigawas sa The Freeman diin gibutyag ni Barangay Duljo-Fatima Kapitan Elmer Abella nga naimbitar kini sa grupo ni Jeffrey “Jaguar” Diaz sa usa ka panagtigom ug didto gikatahong gipadayag niini nga mohunong na ang ilang grupo sa maong ilegal nga kalihokan.(Jojo C. Ugdol/EIM)(BANAT NEWS)
- Latest
