P145M alkanse sa huot sa trapiko
CEBU, Philippines - Alkanse ang Mega Cebu og P145 milyones matag adlaw tungod sa kahuot sa trapiko, matud ni Engineer Fortunato Sanchez, Jr., chairperson sa sub-committee on infrastructure utilities sa Metro Cebu Development Coordinating Board (MCDCB).
Si Sanchez atol sa gipahigayun nga MCDCB meeting nipresentar sa proyekto kabahin sa pagpalapad sa mga karsada aron moluag ang dagan sa trapiko. Apan ang maong alkanse wala kini katunga sa P2.4 bilyones nga alkanse sa Metro Manila tungod sa kahuot sa trapiko matag adlaw base sa bana-bana ug pagtuon sa Japan International Cooperation Agency (JICA).
Matud ni Sanchez nga ang P145 milyones nga alkanse sa Mega Cebu matag adlaw ubos kini sa iyang bana-bana. Ang kahuot sa trapiko sa Mega Cebu “one fourth” lang kini sa Metro Manila ug daku usab ang populasyon sa Metro Manila kompara sa Mega Cebu. Gipasabot ni Sanchez nga ang alkanse naglakip sa gasolina matag adlaw ug pag-minus sa investment tungod sa problema ug ang pagka-usik sa panahon. (BANAT NEWS)
- Latest
