Sundawo gikuotan, langyaw gikawatan
CEBU, Philippines - Gikuotan sa pitaka ang usa ka sakop sa Philippine Army samtang luwan sa public utility jeepney niadto’ng Miyerkules sa alas 7:30 sa buntag. Ang biktima giila nga si Rodrigo Nobleza Calcabin, 52, kinsa nadestino sa Camp Lapu-Lapu, Apas, Cebu City.
Matud ni PO3 Melvin Jimenez sa Theft and Robbery Section nga gituparan og wala mailhi nga lalaki ang biktima sulod sa PUJ padulong sa Apas.
Nakuha ang pitaka sa biktima nga may sulod kapin sa P20 mil , ATM cards ug uban pa’ng papeles.
Samtang gikawatan ang usa ka French nga turista sa isla sa Malapascua, lungsod sa Daanbantayan sulod sa kwarto sa Romantic Resort niadto’ng Miyerkules.
Ang biktima giila nga si Jonathan Eyoum Deido, 28, ulitawo samtang ang suspek nailhan nga si Ma. Ronalyn Drio Balena ug bana nga si Mike, kinsa giingong suod nga higala sa uyab sa biktima.
Nakuhaan ang biktima og kwarta nga mokabat sa P20 mil ug cellphone nga tag P3 mil.
Gikataho nga may nakakita kang Mike nga nag-ihap og kwarta samtang si Belana ang ni-text usab sa usa ka testigos nga niangkon sa pagkuha sa kwarta.
Sigun pa ni PO3 Victor Avenido sa Daanbantayan Police Station nga giimbestigar pa nila ang kaso. (Julie Ann Dominguez, Lorezle Sale ug Donahmae G. Gadugdug, NSU Intern/GMR)(BANAT NEWS)
- Latest
