Porn sites ipa-block
CEBU, Philippines - Dakong hagit karon sa kapulisan ang mga piso-pisong internetan dinhi sa dakbayan nga maoy gikabuangan sa mga batan-on aron motan-aw sa mga “porn sites.”
Si Inspector Arieza Otida ang hepe sa Women’s and Children Protection Desk sa Cebu City Police Office naalarma sa report bahin sa mga bata sa Barangay Guadalupe nga giingong nalambigit sa pagpanglugos gumikan sa pagtan-aw sa mga “porn sites.”
Mohimo karon og “information drive” sa kabarangayan ang WCPD aron i-block sa mga nanag-iya og internet cafés ang porn sites ilabi na sa mga internetan nga pisopiso.
Gawas sa maong plano gusto ni Otida nga mapaabot kini sa konseho sa dakbayan sa Sugbo aron ma-regulate ug palukaton og permits kadtong buot magbutang niini.
Ang duha ka mga minor de edad 16 anyos nga nanglugos ug ang 13 anyos nga gika-report nga “gilugos” i-endorsar sa kapulisan ngadto sa Department of Social Welfare and Development (DSWD) aron mapaubos sa stress debriefing.
Sigun pa ni Otida nga sa ilang gihimo nga imbestigasyon walay plano ang mga ginikanan sa duruha nga moreklamo pa sa maong hitabo. (Jojo C. Ugdol/EIM)(BANAT NEWS)
- Latest
