Balaud batok hubog nga drayber ipatuman na
CEBU, Philippines – Hingpit na nga ipatuman sa Land Transportation Office ang Republic Act 10586 o ang Anti-Drunk and Drugged Driving Act of 2013.
Si LTO-7 Director Arnel Tancinco nipahibawo nga ang iyang operations officer gipaubos na sa pagbansay-bansay sa paggamit sa Alcohol Breath Analyzer (ABA) hangtud ugma sa Manila. Human niini, gihatagan sila sulod sa usa ka semana sa pagpatuman na sa balaud batok sa mga drayber nga hubog ug sabog sa ilegal nga drugas.
Matud ni Tancinco nga ila’ng kaabag unya sa pagpatuman ang Highway Patrol Group.
Multa nga P20,000 ngadto sa P80,000 ug priso sulod sa tulo ka buwan ang usa lang sa mga silot sa masakpan.
Human sa pagbansaybansay sa mga law enforcement officers, sa Metro Cebu una’ng ipatuman ang inspection sa LTO. – /GMR) (BANAT NEWS)
- Latest
