Women’s Month sa Mandaue gilusad
CEBU, Philippines – Gisalmutan sa kababayen-an sa 27 ka barangay sa dakbayan sa Mandaue ang paglusad sa 2015 National Women’s Month nga nagdala sa tema Juana: Desisyon Mo ay Mahalaga sa Kinabukasan ng Bawat Isa, Ikaw na!”
Si Konsehal Nenita Layese, chairperson sa committee on family and women ang nangulo sa kalihukan. Gikataho nga 20 porsiyento lang sa kababayen-an sa nasud ang miapil sa pamolitika tungod sa bug-at nga kaakuhan sa ilang pamilya.
Samtang si Cynthia Remedio, barangay kapitan sa Cabancalan, nipahibawo nga 300 ka babaye ang aktibo’ng sakop sa iya’ng pundok nga makabaton og ila’ng kapanginabuhian nga naglakip sa pagpamuhat og sabon o pagluto og nagkadaiyang matang sa pagkaon aron makatabang sa panginahanglan sa pamilya.
Tinguha usab nila nga kanunay’ng lagsik ug himsog ang kababayen-an, ila’ng gihimo ang kanunay nga pagsayaw og zumba. – /GMR) (BANAT NEWS)
- Latest
