Kawani sa DPWH nadisarmahan
CEBU, Philippines - Giturn-over sa police station sa usa ka hepe sa tanod ang armas nga iyang naembargo gikan sa usa ka trabahante sa Department of Public Works and Highways nga giingong nanion kaniya niini sa miaging hapon sa lungsod sa Alegria.
Si Jonas Lendio, 41, hepe sa tanod sa Barangay Valencia, Alegria ang mitunol sa kalibre .357 nga revolver ngadto sa kapolisan.
Matud ni Police Officer 1 Carmelito Dacula, desk officer sa Alegria Police Station nga ang maong armas nasakmit ni Lendio, Marso 4 sa gabii gikan sa usa ka Cepriano Lastimoso, job order sa DPWH sa Dalaguete.
Apan daling nadisarmahan ni Lendio si Lastimoso ug gidala kini sa kapolisan. Nasayran nga way bala ang armas atol sa pagpanion.
Nagduda si Dacula nga igo ra sa pagpanghadlok o ba kaha pagpangatik lang ang gihimo si Lastimoso.
“Nanion pero walay sulod nga bala, pero naembargo sa chief tanod,” matud pa ni Dacula.
Sumala pa niya nga wala nila dakpa si Lastimoso tungod kay wala may reklamo batok kaniya. (BANAT NEWS)
- Latest
