Driver sa V-Hire gipusil patay
CEBU, Philippines - Patay ang drayber sa V-Hire nga gipusil sa wala hiilhi’ng lalaki diha’ng nagkuha sa iyang konduktor sa gipuy-an nga panimalay sa sitio Aroma, Subangdaku, dakbayan sa Mandaue alas 11 pasado ang takna sa niaging gabii.
Si Senior Police Officer 3 Dindo Montesclaros sa Presinto 2 sa Mandaue City Police Office (MCPO) niila sa biktima nga si Nelson Orosco, 29, minyo nga taga Tapilon, lungsod sa Daanbantayan.
Matud ni Montesclaros nga padulong na sa gimaneho’ng V-Hire ang biktima diha’ng kalit lang gipusil sa nag-atang na daan nga lalaki ug naigo ang luyo’ng bahin sa ulo.
Dali’ng nakasibat ang mamumuno samtang gidala sa Mandaue City Hospital ang biktima apan paglabay sa pipila ka oras nakabsan sa kinabuhi. Wala pa matino ang hinungdan sa pagpamusil. (BANAT NEWS)
- Latest
