US mohatag og $5M reward
CEBU, Philippines – Ang Estados Unidos mohatag og premyo nga singko milyones dolyares ngadto ni bisan kinsa nga makatug-an aron madakpan ug makapakonbikto sa duha ka terorista’ng Pinoy nga apil sa most wanted persons sa Amerika.
Sila si Isnilon Totoni Hapilon ug Raddulan Sahiron maoy giingon nga mga Pinoy nga naapil sa listahan sa mga most wanted terrorists nga gipagawas sa Federal Bureau of Investigation’s (FBI). Nag-atubang sila og kaso nga terorismo didto sa District of Colombia.
Si Hapilon mao ang ikaduha nga labing taas nga opisyal sa terorista’ng Abu Sayyaf Group (ASG). Ang duha giisip sa FBI nga armado ug piligroso nga mga tawo.
Si Sahiron mao ang lider sa ASG sukad pa niadto’ng 2005 ug gituohan nga nagtago sa Patikul sa Jolo, Sulu.
Ang kadagkoan sa United States Department of State mohatag sa mao nga kantidad niadto’ng makatug-an kun asa magtago ang pinangita nga terorista.
Ang mga inpormer mahimong motaho sa labing duol nga US Embassy sa ilang nasud kun may kasayoran sila hain ang mga dakponon maluklok. – /RUB) (BANAT NEWS)
- Latest
