Disko sa Talisay kutob alas-12 sa tungang gabii
CEBU, Philippines – Tungod sa gubot sa sulod sa diskohan, giplano ni Talisay City Mayor Johnny V. De los Reyes nga limitahan ang mga disko hangtud sa alas dose sa gabii.
"Kutob nalang na alas dose ang mga disco kay kargado g’yud sa gubot kana na'ng nangahubog ang mga tawo. So, para malikayan na, ‘gaan nalang nato og limit ang mga disco," matud pa ni De los Reyes.
Ang maong plano sa mayor gibase niya sa nahitabong sagunson nga kagubot sulod sa diskohan nga natala sa Talisay City Police Station.
Sa maong mga insidente, kadaghanan mga hubog ang nalambigit.
Kagahapon sa kadlawon, usa ka 24 anyos ang gipusil patay samtang nagduwa og hantak samtang namista sa Barangay Lagtang sa maong dakbayan.
"Sakto na siguro na'ng hangtud alas dose nga kalingawan, syaro dili pa sila malingaw ana," matud pa sa mayor.
Dungag pa niya nga ang maong balaud magprotektar usab sa mga inosente nga dili maangin.
Sa mga milabay’ng katuigan, si kanhi Mayor Socrates Fernandez mi-ban sa disco sulod sa Talisay City Sports Complex human sa sunod-sunod nga gubot. – /EIM) (BANAT NEWS)
- Latest
