Batang nagbisikleta sa highway patay sa bus
CEBU, Philippines — Patay ang usa ka 14-anyos nga bata nga nagsakay og bisikleta human nga naigo kini sa usa ka bus nga pasaheroan sa Barangay Daanlungsod, Oslob. Ang maong biktima naila nga si Mhat Angelo Jureidini, first year high school nga molupyo sa maong lugar, samtang gitanggong na ang drayber sa bus nga si Wilmard Drilon, 28, nga taga Looc, Santander.
Base sa imbestigasyon sa kapolisan nga ang bata nagbisikleta sa national highway dihang nabanggaan sa Ceres Bus.
Si Police Officer 3 Johny Tapales, desk officer sa Oslob Police Station, nga nahinabi sa Banat News miingon nga ang biktima gikan sa barangay road ug kalit lang milabang sa national road.
Samtang ang Ceres gikan nga nipick-up og pasahero ug mihunat kini sa pagpadagan apan kalit lang nga nilabang ang bisikleta ug wala na gyud madala pa og brake, patay na ang bata pag-abot sa Oslob District Hospital. (BANAT NEWS)
- Latest
