Reklamo vs Apura way ebidensya

CEBU, Philippines — Girekomendar sa Committee on Complaints and Investigation sa Hunta Probinsiyal nga ibasura ang reklamong grave abuse of authority  batok kang Mayor Nicepuro Apura sa dakbayan sa Carcar.

Kini tungod sa kapakyas sa reklamante nga si Konsehal Achilles Gantuangco pagduso og mga ebidensiya nga makasuporta sa iyang gipasangil batok sa mayor.

Niadtong  Mayo 21, 2014 gisang-at ni Gantuangco ang reklamo nga mipasangil kang Apura nga gipakaulawan dihang gipasakaan siya og kasong criminal ug “Petition for Quo Warranto” ug ingon man ang pagtugot kaniya  nga makakuha og official travels.

Giangkon ni  Apura nga gipasakaan niya og kasong kriminal ug Petition for Quo Warranto si Gantuangco, apan gihimakak niya nga gipugngan niya ang official travels sa konsehal. Tungod sa kakulang sa ebidensiya gibasura sa komitiba ang reklamo tungod kay maglisod pagprubar nga nakahimo og grave abuse of authority  ang mayor.

Karong Lunes desisyonan sa  mga sakop sa Hunta ang rekomendasyon sa komitiba. (BANAT NEWS)