P7 nga pletehan sa trasyikol aprobado na
CEBU, Philippines - Aprobado na sa konseho sa dakbayan sa Mandaue ang pagpatuman sa P7 nga minimum nga pletehan sa mga traysikol.
Si Konsehal Elstone Dabon, chairman sa committee on transportation sa konseho, ang nangamahan sa maong ordinansa. Wala’y nisupak nga drayber ug operator atol sa public hearing sa maong ordinansa.
Una na nga nipatuman sa P7 nga minimum nga pletehan ang mga public utility jeepneys (PUJ) ubos sa pagtugot sa Land Transportation Franchising and Regulatory Board.
Ang pagpakunhod sa minimum nga pletehan gipasikad sa sunod-sunod nga pagkunhod sa presyo sa mga produktong petrolyo sukad sa niaging tuig.
Samtang gipatuman na ang pagkunhod sa minimum nga pletehan, namatikdan sad ang hinay-hinay nga pagsaka sa presyo sa mga produkto’ng petrolyo. (Romeo T. Limpangog/GMR)(BANAT NEWS)
- Latest
