Cebu nangandam sa APEC Summit
CEBU, Philippines - Ang National Organizing Council alang sa pagpahigayon sa Asia-Pacific Economic Conference Summit nia sa Sugbo alang sa pagpangandam sa maong kalihokan nga mahitabo dinhi sa lalawigan karong buwan sa Agosto, Septiyembre ug Oktubre ning tuiga.
Matud ni Patrick Hilario, assistant to the Deputy Director General for Conference Management dinhi sa Sugbo ipahigayon ang Ministerial Meetings sa Structural Reform Ministers, Transportation Ministers, ug Energy Ministers.
Duna na silay gipiliang mga hotels ug venues dinhi sa Sugbo nga posibleng pahigayonan niini.
Samtang padayon pa silang nangita og dugang pang mga venues nga magamit kun sa higayon nga madugangan ang mga delegado.
Sa dili pa ang maong adlaw, mopatawag og SOM o Senior Officials’ Meeting ang NOC aron tipuon ang ilang mga nasabutan sud sa tulo ka panagtigom sa pagpangandam.
Karong Nobiyembre mangabot ang nagkadaiyang pangulo sa mga nasud alang sa Heads of State Meetings sa Manila. (Jhyn Sabagkit, NSU Intern/EIM)(BANAT NEWS)
- Latest
