Nanghinol sa maguwang

CEBU, Philippines – Gidakop sa kapolisan ang 46-anyos nga lalaki nga gipasanginlan sa maguwang babaye nga nanghinol sa pribado’ng bahin sa iyang lawas sa barangay Tugbongan, Consolacion alas 8 pasado ang takna kagahapon sa buntag.

Si Senior Police Officer 1 Francisco Perez Jr. sa Consolacion Police Station niingon nga ang maguwang babaye nga 50-anyos, dalaga, ang nakasinggit sa pagpangayo og panabang sa mga silingan diha’ng kalit lang gipanghinol ang pribado’ng bahin sa iyang lawas.

Giingo’ng nasuko ang suspek hinungdan nga nikuha og kutsilyo ug nanghulga nga patyon ang biktima sa pagdumili sa iya’ng gustong mahitabo.

Dugang ni Perez nga ang team nila’ng Police Officer 3 Alex Noron, Police Officer 2 Noel Rosellosa ug uban pa ang dali nga nakatubag sa alarma.

Paghidangat sa maong lugar, ila’ng naabtan ang suspek nga nagbitbit pa sa kutsilyo hinungdan nga ila’ng gidakop ug gibalhug sa prisohan. – /GMR) (BANAT NEWS)