Causeway sa DPWH gitugyan sa Lapu-Lapu
CEBU, Philippines - Gi-turnover sa Department of Public Works and Highways ang 70-metros nga causeway sa Marigondon, dakbayan sa Lapu-Lapu ngadto sa lokal nga kagamhanan.
Matud ni Mayor Paz Radaza nga ang gi-rehabilitate nga pasilidad sa DPWH makatabang ug makadugang sa transportasyon sa mga turista nga buot mobisita sa isla sa Olango ug sa mga kasikbit nga gagmay’ng isla.
Makatabang sab sa mga residente ang causeway sa pagpalabang sa turista gamit ang mga motor banca padulong sa mga gagmay’ng isla sama sa Caohagan, Pangan-an ug Caubian.
Nigasto ang DPWH og P12 milyones sa mao’ng causeway pinaagi sa hangyo ni Kongresista Aileen Radaza.
Ang barangay Marigondon ang modumala sa causeway ug plano’ng magbutang og user’s fee alang sa maintenance apan ipaubos pa sa public hearing ang plano’ng pagpatuman sa terminal fee. (Christell Fatima M. Tudtud/GMR)
- Latest
