Dental/Oral Month gilusad

CEBU, Philippines - Gilusad kagahapon sa Cebu Dental Society ang Dental/Oral Health Month tumong sa pagpahinumdum sa publiko nga kinahanglang hatagan og daku’ng pagtagad ang ngipon.

Nakig-alayon ang CDS sa mga lokal nga kagamhanan lakip na sa Department of Education aron direkta nga makahatag sa serbisyo ngadto sa kabataan sa pangpubliko’ng tunghaan.

Si Dr. Bonifacio David, pangulo sa Vicente Sotto Memorial Medical Center-Dental Clinic, nitug-an nga kun mapasagdan ang pagdaut sa ngipon, lagos ug uban pa’ng parti sa baba moresulta kini sa oral cancer. Gipahibawo usab niini nga duna na sila’y giatiman nga kaso sa oral cancer sa VSMMC.

Tambag sa mga dentista ang menus nga pagkaon og tam-is ug acidic foods, pag-toothbrush kada human og kaon ug pagduaw sa dentista ka-duha sa usa ka tuig aron malikay sa mga sakit sa ngipon. (BANAT NEWS)