8 anyos gilugos sa amahan

CEBU, Philippines - Usa ka 8-anyos nga bata ang nabiktima sa kaugalingon niining amahan nga miamong-among kaniya  giluwas sa City Social Worker sa dakbayan sa Toledo.

Usa ka concerned citizen ang nisumbong sa maong buhatan bahin sa nahitabo sa maong bata dihang nakahigayon ang bata pagtug-an kaniya sa gibuhat sa amahan.

Matud ni Senior Police Officer 2 Liza Makidato sa Women’s Desk sa Toledo City Police Station nga ang bata anak sa unang kapuyo sa 30-anyos nga suspek.

Human nadawat ang maong reklamo ug nadungog ang pamahayag sa bata  gidakop sa kapulisan ang maong amahan nga gidudahan usab nga drug user.

Ang bata gikatakdang ipahiling sa Vicente Sotto Memorial Medical Center (VSMMC) ug gikatakdang ikustodiya na sa CSWD. (BANAT NEWS)