Allowance sa mga magtutudlo sa Toledo nahatag na

CEBU, Philippines – Nadawat na sa mga magtutudlo sa dakbayan sa Toledo ang allowance alang sa niaging tuig.

Ang mga teaching ug non- teaching personnel sa Department of Education-Toledo City Division ang nakadawat sa maong allowance.

Binuwan nga tag P500 ang nadawat sukad pa niadto’ng buwan sa Hulyo hangtud Disyembre.

Nalangan ang pagpanghatag sa maong allowance human sa paglungkab sa City Treasurer’s Office diin apil nga nahanaw ang pundo sa mga magtutudlo alang sa maong allowance. Personal nga nitunol si Mayor John Henry Osmeña sa maong allowance ug plano sa mayor nga madugangan pa ang maong kantidad alang sa mga magtutudlo. – /GMR) (BANAT NEWS)