Suspek sa “cyberporn” di pa abswelto
CEBU, Philippines – Nagpadayon pa sa pagpangita og dugang ebidensya ang mga sakop sa Criminal Investigation and Detection Group-7 human wala nila madayon og sikop ang usa ka babaye nga unang gireklamo sa inahan sa usa ka bata’ng babaye nga kini gikuhaan og hulagway samtang wala’y sapot bugti sa P500.
Ang deputy chief sa CIDG-7 nga si Superintendent Fermin Armendarez nga nahinabi sa Banat News miingon nga ilang ipasubay sa Anti Cyber Crime Group-7 ang ilang nakuha nga mga computers, mga hard disk gikan sa mga computer nga ilang nakompiskar gikan sa target unta sa kapulisan. Ang bata misaysay nga gitagaan siya og P500 sa suspek human siya gikuhaan og hulagway samtang wala siyay sapot.
Apan sa paghinabi sa mga tigbalita sa inahan sa suspetsado, mihimakak kini sa maong pasangil. – /EIM) (BANAT NEWS)
- Latest
