Anak mitigbas sa amahan

CEBU, Philippines – Gipangita sa kapulisan sa lungsod sa Barili ang usa ka lalaki nga mitigbas sa iyang amahan atol sa ilang panaglalis sa Sitio Tubod, Barangay Cagay sa maong lungsod.

Ang biktima naila nga si Esteban Marinay, 57, mag-uuma, samtang ang suspetsado nga anak giila nga si Roberto Marinay, 22, walay trabaho.

Sa imbestigasyon sa Barili Police nasayran nga hubog nga naabot sa ilang balay ang anak ug nag-wild  dihang gimaymayan sa amahan gihagit siya niini og sukmagay ug dayong kuha og sundang dayong tigbas sa biktima.

Daling gidala sa Barili District Hospital ang amahan samtang ang suspek daling miikyas palayo sa lugar ug wala na makita sa mga mirespondeng polis. – /EIM) (BANAT NEWS)