2 ka opisyal sa LTO-7 ipasuspenso
CEBU, Philippines – Gipasuspenso sa buhatan sa Ombudsman-Visayas ang duha ka sa opisyal sa Land Transportation Office-7 sa kaso’ng grave misconduct sulod sa unom ka buwan.
Niadtong Pebrero 11, 2015, si Deputy Ombudsman for the Visayas Paul Elmer Clemente nimando sa pagsuspenso nila’ng LTO-7 acting Finance Officer Cecile Jinky Estrada ug acting Administrative Officer Aden Belza.
Si Carmencita Caballes kinsa evaluator sa Manufacturer, Assembler, Importers and Dealers System (Maids) sa LTO-7 ang nireklamo batok nila’ng Estrada, Belza ug acting Regional Director Arnel Tancinco.
Si Caballero nipasangil nga gipugos siya ni Tancinco pagpangolekta og tag P5,000 matag adlaw sa mga kliyente alang sa ilang personal nga kita.
Base sa dokumento nga gipakita ni Caballero, nasuta sa Ombudsman nga nakahatag ang reklamante og P274,000 ngadto ni Estrada ug Belza.
Gihimakak ni Tancinco ang pasangil kinsa niingon nga kasuko lang ni Caballes ang gihimo sanglit gibalhin kini sa LTO sa Tacloban City. (BANAT NEWS)
- Latest
