Aplikante sa barangay ipa-drug test una
CEBU, Philippines - Giduso diha sa konseho sa siyudad sa Sugbo ang pag-amendar sa ordinansa nga nag-require sa tanang kawani niini nga ipaubos sa compulsory drug testing.
Si Konsehal Nestor Archival, Sr. miduso sa maong amendment sa City Ordinance No. 1828 aron palig-onon pa ang mga programa batok ilegal nga drugas sa mga kawani sa siyudad.
Gusto na karon ni Archival nga ipaapil sa compulsory drug testing ang tanang mga aplikante bisan sa barangay ug duna g’yuy tinuig nga random drug testing kanila.
Matud ni Archival nga tanang trabahante nga ma-positibo sa drugas ipa-refer sa City Legal Office ug sa Human Resource and Development Office alang sa hustong buhaton kanila. Ang mosupak niini mag-atubang og kasong administratiba.
Buot usab ni Archival nga mogahin ang siyudad og P500,000 alang niini.
Karong Marso 18, adunay public hearing nga himuon bahin niini ug patambungon sa City Council ang COSAP, Cebu City Anti-Drug Abuse Council, Cebu City Police Office, Police Coordinating and Advisory Council ug Association of Barangay Councils. (BANAT NEWS)
- Latest
