PPP gitinguha sa CSBT

CEBU, Philippines - Gitinguha sa Kapitolyo nga ipaubos sa public-private partnership (PPP) ang pagpadagan sa Cebu South Bus Terminal (CSBT).

Kini base sa rekomendasyon sa Economic Enterprise Council (EEC).

Si Gob. Hilario Davide III pabor sa tinguha sa EEC aron maminusan ang problema sa kagamhanan sa pagdumala sa CSBT.

Pribado ang modumala sa terminal samtang ang luna ug ang istraktura magpabilin nga iya sa Kapitolyo.

Usa sa problema nga gitumbok ni Davide mao ang pagpangita og mga bus kung modagsa ang mga pasahero sa terminal.

Hinuon matud ni Davide nga sugyot pa lang ang maong plano ug kinahanglan pa kini’ng moagi sa hunta probinsiyal.  (BANAT NEWS)