Profiling sa apektado’ng drivers sa BRT sunod semana
CEBU, Philippines – Sugdan sunod Lunes ang profiling sa dul-an 3,000 ka mga drayber nga apektado sa proyektong Bus Rapid Transit. Tumo’ng niini nga mahatagan og sakto’ng panginabuhian ug trainings ang mga apektado’ng jeepney operatos ilabi na ang mga draybers kun sugdan na ang implementasyon sa BRT project.
Sila mopa-ilawom og Employment Assistance and Skills Training Program sa Technical Education and Skills Development Authority (TESDA).
Sumala sa pangulo sa buhatan sa Cebu-BRT, Atty. Rafael Yap, ang data collection modagan hapit usa ka buwan gikan Pebrero 16 hangtud Marso 13 diin ang mga hingtungdan gi-awhag nga mobisita sa buhatan sa Land Transportation and Franchising Board-7 aron mopirma sa mga importante’ng dokumento.
Samtang sa Marso 30, gipaabot nga iduso sa LTFRB ang report sa social management plan sa mga apektado’ng drayber.
Ang mga enforcers ug personnel sa City Traffic Operations Management ug LTFRB manghatag usab og flyers sa maong katuyuan diha sa kadalanan.
“Nahisgutan so far nga mag-distribute og forms sa street. We’ll make it available sa roadside,” dugang ni Yap. – /GMR) (BANAT NEWS)
- Latest
