Vidal nasubo sa 44 ka SAF
CEBU, Philippines - Nipadayag si Archbishop Emeritus Ricardo Cardinal Vidal sa kasubo sa kamatayun sa 44 ka sakop sa Special Action Force (SAF) sa Philippine National Police sa engkwentro sa mga sakop sa MILF ug BIFF sa Mamasapano, Maguindanao.
Si Vidal atol sa iyang ika-84 ka sumad sa adlaw’ng natawhan nipadayag nga gianugnan sa mga batan-ong polis nga iyang gihulagway nga naghigugma gyud sa ilang trabaho.
Matud sa Cardinal nasurpresa siya nga sa maong hitabo wala mo kondenar si Presidente Benigno Aquino III.
Sa panawagan sa pagpakanaug kang Aquino sa pwesto, si Vidal nagdumili na sa paghatag og pamahayag.
Samtang malipayon ug puno sa paglaum ang panagway ni Vidal sa pagsaulog sa iyang adlaw’ng natawhan, si Vidal nitataw nga pangandoy niya ang hingpit nga kaayohan sa gihambin nga balatian nga pneumonia.
Hinuon dili pa siya makadawat og mga imbitasyon gumikan kay dili pa siya mahimo’ng mosagol sa daghang tawo.
Usa sa iyang pangindahay nga maangkon ang maayo’ng panglawas ug makapadayun sa pagserbisyo sa katawhan bisan pa kun siya retirado na sa iyang pagka-Arsobispo sa Sugbo. (Decemay P. Padilla/GMR)(BANAT NEWS)
- Latest
