P700 mil marijuana gilarot

CEBU, Philippines – Mokabat sa kapin tulo ka libo ka fully-grown marijuana ang gilarot sa kapulisan sa Danao inabagan sa mga sakop sa Philippine Army sa Sitio Panaliwad-on, Barangay Lawaan bukirang bahin sa maong dakbayan. Matud pa ni Senior Police Officer 3 Idelfonso Prucia ang desk officer sa Danao Police nga nahinabi sa Banat News nga dunay misumbong kanila nga dunay mga armadong tawo sa maong dapit mao nga ilaha kining gisubay.

Kuyog sa kapulisan sa Danao ang mga sakop sa 5th Special Force Company sa Airborne Operations Command ug ilang giadto ang dapit gibanabanang 20 ka kilometro gikan sa Poblacion.

Apan ilang naagian ang maong plantasyon hinungdan nga ilang giibot ang 3, 236 ka punoan sa marijuana ug usa ka libo ka mga seedlings. Gibanabanang P747,250 ang kantidad sa maong mga marijuana. Apan walay nasikop nga nagtanom niini. – /EIM) (BANAT NEWS)