Ahente gitulis
CEBU, Philippines – Nagpakitabang sa kapolisan sa dakbayan sa Carcar ang ahente sa usa ka produkto kauban ang iyang drayber human sila gitulis sa duha ka armado’ng tulisan nga nagsakay og motorsiklo sa Lower Cambuntan niadto’ng nakalabay nga adlaw.
Ang mga biktima naila nga sila si Verben Burcila, 37, nga taga dakbayan sa Lapu-Lapu ug Alex Camante, 34, taga Paknaan, dakbayan sa Mandaue ug drayber sa Isuzu van sa Active Serve Company.
Matud ni SPO1 Irving Avila nga samtang naghatud sa mga gipang-order nga produkto sa ilang mga kostumer kalit lang nihunong ang usa ka motorsiklo nga sakay ang duha ka lalaki.
Wala’y langay kalit nibunot og armas ang usa ka tulisan ug dayun tion sa mga biktima.
Sa kahadlok sa salesman iya gihatag ang salaping cash kantidad P45,000 nga iyang gisulod sa usa ka karton.
Human sa hitabo dali nga nisibat ang duha ka lalaki paingon sa Poblacion, Carcar sakay sa usa ka Suzuki rider nga motorsiklo. – /GMR) (BANAT NEWS)
- Latest
