4,000 nagpa-biometrics sa Toledo

CEBU, Philippines - Niabot sa kapin sa 4,000 ka botante ang nakaparehistro pagbalik sa buhatan sa Commission on Elections sa dakbayan sa Toledo.

Matud ni City Election Officer, Atty. Angelo Sarno, nga ang maong ihap gikan sa dul-an 20,000 ka botante sa siyudad nga wala’y mga biometric data.

Una’ng gilusad sa Comelec sa matag barangay sa dakbayan ang pagpahibawo nga papason sa ilang lista kung dili kompleto ang biometric data.

Gipadad-an sab ni Sarno og suwat ang mga botante nga walay biometrics.

Gilauman nga mas daghan pa ang magparehistro og balik nga mga wala’y biometrics.

Ang dakbayan sa Toledo adunay 38 ka barangay diin gibana-bana nga anaa sa kapin sa 100,000 ang registered voters. (Raymond Abarcas/GMR)(BANAT NEWS)