Mayor nagpasalamat sa P5M sa Kapitolyo
CEBU, Philippines - Nagpasalamat si Barili Mayor Teresito Mariñas sa P5 milyones nga hinabang gikan sa Kapitolyo nga gigamit sa paghimo sa riprap sa sapa sa barangay Santa Ana.
Ang maong sapa niawas atol sa bagyong Seniang hinungdan nga ang barangay Poblacion nabahaan.
Apan ang mga residente nga nagpuyo duol sa sapa nagpasalamat tungod kay ang dike maoy nakasagang sa tubig.
Nikabat sa 36 ka balay ang totally damaged ug nikabat sa 100 ang partially damaged sa maong bagyo ug naguba sab ang hanging bridge sa barangay Santa Ana.
Ang mayor mapasalamaton nga “zero casualty” ang lungsod atol sa bagyo. Matud sa mayor nga usa sa hinungdan nga nalikay sa disgrasya ang mga residente tungod sa dike nga nakasagang sa tubig dihang mitubo ang tubig sa sapa.
Si Gob. Hilario Davide III nisaad sa reconstruction sa hanging bridge sa Santa Ana. (BANAT NEWS)
- Latest
